ما استغفرتش حاجه ف بالى
وما استغربتش م اللى جرى لى
حتى لما ملانى جروح
أنا عارف ح تقول لى قباحة
عيب الكلمة تقولها صراحة
ياللى هديت ولقيت الراحة
الكبريت زى القداحة
بتدارى أيه عيبك مفضوك
أنا شايل منك ومعبى سكينتك على رقبة شعبى
وحضورك كاتم على قلبى
وعاملها علنا وتخبى
عايم فى الدم المسفوح
أراجوزات مصرية
أراجوز صاحب حق قال : ياصدق شمرخنى
قال له ماليش حيل – عويل الكدب رخرخنى
مادمت حقك معاك عافر وشمرخ بيه
ازعق وهابر عليه – أنا صمتى شرخنى
والزور طاغوت حنى من جدرى وملخنى
خليك مع القمر
ياللى انت داير تبحلق
عينيك ح توجعك
لا انت فهمت حاجه
ولا حد ح ينفعك
حكامنا دول يا حبى
بشوات لكن غجر
طنش وتعالى جنبى
نتمتع بالقمر
يادوب لوحده ح يفضل
فى زمن اللغوصة
مهما يكون ويحصل
مالوش فى الخصخصة
وعمره ما ح يطولوه
علشان جهلة وأرانب
والا كان باعوه
أو خنقوه بالضرايب
فاحمد ربك وحالك
مالكش فيه شريك
لاغيه كما بدالك
وأكيد ح يحس بيك
وما استغربتش م اللى جرى لى
حتى لما ملانى جروح
أنا عارف ح تقول لى قباحة
عيب الكلمة تقولها صراحة
ياللى هديت ولقيت الراحة
الكبريت زى القداحة
بتدارى أيه عيبك مفضوك
أنا شايل منك ومعبى سكينتك على رقبة شعبى
وحضورك كاتم على قلبى
وعاملها علنا وتخبى
عايم فى الدم المسفوح
أراجوزات مصرية
أراجوز صاحب حق قال : ياصدق شمرخنى
قال له ماليش حيل – عويل الكدب رخرخنى
مادمت حقك معاك عافر وشمرخ بيه
ازعق وهابر عليه – أنا صمتى شرخنى
والزور طاغوت حنى من جدرى وملخنى
خليك مع القمر
ياللى انت داير تبحلق
عينيك ح توجعك
لا انت فهمت حاجه
ولا حد ح ينفعك
حكامنا دول يا حبى
بشوات لكن غجر
طنش وتعالى جنبى
نتمتع بالقمر
يادوب لوحده ح يفضل
فى زمن اللغوصة
مهما يكون ويحصل
مالوش فى الخصخصة
وعمره ما ح يطولوه
علشان جهلة وأرانب
والا كان باعوه
أو خنقوه بالضرايب
فاحمد ربك وحالك
مالكش فيه شريك
لاغيه كما بدالك
وأكيد ح يحس بيك
